Hrímfaxa hefur borist aðsend frétt um deilur ákveðins undirfélags.
Myndbandafélög MA eru mismundandi eins og þau eru mörg. Eitt félag innan MA hefur þó fengið að sitja mikið í sviðsljósinu en það er félagið TásMA. Er það ekki viðurkennt myndbandafélag en skilgreina stelpurnar í stjórn þess það þó sem myndbandafélag. Voru umtalaðar stelpur með fremur umdeilt myndband á undirfélagavöku Natalíu í haust en þar mátti glitta í allskyns tásur. Má jafnvel ganga svo langt að kalla myndband þeirra gróft tásuklám. Þær sýndu tær í öllum sýnum myndum. Langar, mjóar, stuttar, feitar, sprungnar, blóðugar, hárugar og hvaðeina. Féll þetta myndband þó ekki kramið hjá öllum en ummæli sem heyrðust á göngum skólans voru allt frá því að segja að myndbandið væri ógeðslegt og í það að stelpurnar sem stæðu á bakvið það væru ógeðslegar. Þó er ekki hægt að líta á undirfélagið sem neitt annað en myndbandafélag. Þær gera myndbönd en fengu því miður ekki að sýna þau á kvöldvökum og á árshátíðinni. Þær eru að varpa ljósi á þessi undur sem tær okkar mannkyns eru í allri sinni dýrð. Stelpurnar eru ekki að skafa undan neinu og sýna allar tásur sem jafn fallegar tásur. Þær standa fyrir fjölbreyttni sem myndbandafélög í MA svo sannarlega skortir!
Því ætti TásMA að fá að vera myndbandafélag! Þær bæta fjölbreytni í hópinn.
Meðlimir Táningsstúlkufélagsins, TásMA
Áfram fjölbreytni!
Áfram TásMA!
