Umræðan um Sean “Diddy” Combs hefur ekki farið framhjá neinum seinustu mánuði en hann á að hafa framið fjöldann allan af glæpum þannig engin leið er að telja það allt upp.
Á dögunum hóf lögreglan á Norðurlandi Eystra rannsókn á því hvort nokkrir MA-ingar kunni að hafa lagt leið sína í partý sem P Diddy var að halda.
Þannig er mál með vexti að Hákon Snorri, markaðsstjóri Hugins og Natalía Rós, forseti 3. bekkjarráðs, tveir ríkustu nemendur skólans leigðu einkaþotu fyrir sértrúaðarsöfnuðinn 3.S. Það vita allir að eitthvað skrítið fer fram í bekkjarpartíum hjá þeim hóp. Bekkurinn flaug svo til Miami þar sem þau eiga að hafa skemmt sér konunglega í Rave partý sem haldið var í einbýlishúsi P Diddy samkvæmt heimildum Hrímfaxa.
Þegar ritstjórn Hrímfaxa spurði þau út í málið á samfélagsmiðlum svöruðu þau bæði með sama, sérkennilega hætti: „What happens in Miami stays in Miami“. Þau hafa leitað til LMA, Lögmannsstofu Menntaskólans á Akureyri fyrir aðstoð en ritstjórn mun vinna hörðum höndum að því að kryfja málið til mergjar. Hver veit hvort við fáum nokkurn tímann að finna út úr því hvað gerðist í raun og veru í Miami…
